Impangato manen ti state weather bureau ti flood warning iti rehiyon Cordillera ken kadagiti 8 pay a rehiyon iti Pilipinas ita nga aldaw gapu iti masansan a panagbayakabak ti tudo.
Dagiti nasao a lugar ket pakairamanan ti Ilocos Region, Central Luzon, CALABARZON, MIMAROPA, Western Visayas, Zamboanga Peninsula, Northern Mindanao ken sadiay Bangsamoro Autonomous Region in Muslim Mindanao.
Possible met a mangitunda iti kellaat a panaglayos ti kanayon a panagtudtudona pakairaman ti possible a panagregaay ti daga kadagiti kabanbantayan.
Sigun iti weather bureau possible pay nga agbayag iti sumagmamano nga oras ti panagtudtudona gapu iti habagat ken ti bagyo a Nando.
Kagiddan dayta, nagpalagip met ni Atty. Guiler Galwan, Vice Mayor ti La Trinidad, Benguet iti publiko nga agannad ken agbalin a naridam nangruna ita a panagtutudo.
