Silulukat ladta ni Former World Boxing Council (WBC) Asian Feather ken World Boxing Organization (WBO) Oriental Featherweight Champion KJ Natuplag nga agsubli iti boxing ring nu maipaayan daytoy ti imbitasyon.
Iti panakiuman ti Bombo Radyo kenni Natuplag, kinunana a makumikom daytoy kas maysa a head coach idiay Dubai, United Arab Emirates ngem nu maikkan daytoy ti tsansa a makiay-ayam manen ket akseptarenna.
Nu pay kasta, nasken nga agensayo pay daytoy.
Maipalagip a naala ni Natuplag ti titulo daytoy kas WBC Asian Feather kalpasan a naabakna ni Attanon Kunlawong idi tawen 2022, ti WBO Oriental Feather kalpasan ti panangabakna kontra ken Boonrueang Phayom idi tawen 2022 ken Wensong Liu idi tawen 2023.
Ti naudi a laban daytoy ket kontra kenni Nakharin Hangyu idi Marso 30, 2023.
Iti agdama, addaan ti rekord ni Natuplag iti 12 a pangabak, 4 nga abak ken dua a draw kadagiti laban daytoy.//Bombo Mera Pacpacan
