--Ads--
Inwaragawag ni President Ferdinand Marcos Jr. a naituding a pirmaanna ti gakat a mangitantan iti 2025 Barangay and Sangguniang Kabataan Elections (BSKE).
Impettengna daytoy bayat ti media forum sadiay forum Bengaluru, India.
Kinunana metlaeng a rumbeng a maipaayan iti pokus ti umadanin a parliamentary elections sadiay Bangsamoro Autonomous Region in Muslim Mindanao (BARMM) inton Oktubre iti agdama a tawen.
Sigun kenni President Marcos Jr. nasken a maipaayan iti atensyon ti BARMM election nangruna ket daytoy ti kaunaan a gundaway a maipatungpal daytoy.
Innayonna a no saan a nasayaat ti resulta daytoy ket dakkel a banag nangruna iti peace process.
