--Ads--
BAGUIO CITY – Dinadael dagiti personnel ti First Benguet Provincial Mobile Force Company ti ginasgasut a puon ti marijuana iti paset ti bantay sadiay Botbot, Kayapa, Bakun, Benguet idi kanikadua.
Maibasar iti report, manarimaan ti panagpatrolya dagiti otoridad kadagiti kabambantayan idi nadiskobreda ti maysa a pagmulaan ti marijuana.
Pinarut dagitoy ti 400 a puon ti dadakkel a marijuana nga aggatad ti P80,000 a naimula iti paset ti communal forest nga addaan kalawa a mapattapatta a 50 metro kwadrado.
Dagus a nauram iti nasao metlaeng a disso dagiti naparut a maiparit a mula bayat nga agtultuloy ti imbestigasyon iti pakabigbigan dagiti mangtartaripato iti nasao a plantation site.
