--Ads--
Nabara a pinasangbay dagiti umili sadiay Kalinga ni Pinoy boxer Hergie Bacyadan para iti homecoming daytoy ita nga aldaw.
Iti panagawid ti Olympian athlete, naipatungpal ti motorcade ken daduma nga aktibidad babaen ti panangidaulo ni Governor James Edduba.
Saan met a mailadawan ti kinaragsak dagiti umili nangruna dagiti estudyante a nakipicture ken nagpa-autograph kenni Bacyadan.
Kawes ni Bacyadan ti “SINAG” nga inaramat dagitoy kabayatan ti 2024 Paris Olympics nga indisenyo ni Francis Libiran.
Maipalagip a ni Bacyadan ket maysa kadagiti Pilipino nga atleta a nangirepresentar iti pagilian a Pilipinas iti 2024 Paris Olympics kaduana dagiti daduma a dua pulo ket maysa nga atleta.
