Kinondenar ti House of Representatives ti saan a panakaaprobar ti P200 a kanayonan a sweldo dagiti mangmangged iti pampribado a sektor.
Sigun kenni House of Representatives Spokesperson Atty. Princess Abante, mismo a ti senado ti nangpatay iti panakaisakad ti P200 wage hike bill gapu ta awan ti napasamak a bicameral.
Kinuna ni Atty. Abante a nakasagana dagitoy a mangidepensa iti nasao a gakat nupay kasta, impettengna a saan a kayat nga akseptaren ti senado ti nasao a singasing ken ti kayatda a maipatungpal ket ti panakaingato iti sweldo iti P100.
Gapu iti dayta, innayon ni Atty. Abante a rumbeng a saan a barya laeng ti maipaay kadagiti mangmangged a Pilipino.
Ngem, immuna a kinuna ni senator Joel Villanueva a ti mismo a kamara ti nangsabotage iti nasao a gakat gapu iti nabayag a panangipaayda iti kopya iti senado tapno mapasamak ti bicameral.
