BAGUIO CITY – Addan ita sadiay Singapore ti Igorot rising MMA star a ni Jenelyn Olsim para iti kampanyana iti semifinals ti Women’s Atomweight World Grand Prix ti ONE Championship.
Daytoy ket kalpasan a napili ti 24-anyos a ni Olsim a mangsukat kenni Itsuki Hirata ti Japan.
Makasango ti Team Lakay fighter ni Ritu Phogat ti India.
Iggem ni Olsim ti 5-2 win-loss record bayat nga iggem ni Phogat ti 6-1 win -loss record.
Naamuan a nagsanod ni Hirata iti labanda kenni Phogat gapu iti gurigur ngem linawlawaganna a saan daytoy a nagpositibo iti COVID-19.
Naamuan a ti mangabak iti laban da Olsim ken Phogat ti mangsango iti mangabak iti sabali pay a semifinal match iti nagbaetan da Stamp Fairtex ti Thailand ken Julie Mezabarba ti Brazil.
Asinoman a mangabak iti dua a semifinal winners ti maipaayan gundaway a mang-agaw iti titulo a ONE Women’s Atomweight nga iggem ita ni Angela Lee.
Ti dua a semifinals ti ONE Women’s Atomweight World Grand Prix ti main events ti ONE: NEXTGEN a maangay inton Biyernes, October 29 iti Singapore Indoor Stadium.
Maipalagip a lumaban kuma ni Olsim inton November 12 iti ONE: NEXTGEN II ken makasangona ditoy ni Jihin Radzuan ti Malaysia.
