Inawat ti Department of Justice (DOJ) ti plano ti Kamara a mangisayangkat iti imbestigasion kadagiti maatap a panagabuso a naaramid iti uneg ti pagbaludan ti Bureau of Corrections (BuCor).
Sigun kenni DOJ Assistant Secretary Jose Dominic F. Clavano IV, suportaranda ti addang a mangpasayaat iti serbisio ti Bureau of Corrections.
Daytoy ti sungbat ni Clavano iti report a nangipila ti Makabayan bloc iti resolution a mangkidkiddaw iti legislative inquiry kadagiti maatap a panagabuso iti BuCor.
Karaman ditoy ti pannakaiparit ti Kapatid human rights group spokesperson Fides Lim a sumarungkar kadagiti pagbaludan.
Nupay kasta, inlawlawag ni BuCor Director General Gregorio Pio P. Catapang Jr. nga iparitda laeng ti maysa nga indibidual a sumarungkar, no a saan nga agtumpal kadagiti pagannurotan ken linteg iti uneg ti corrections facilities.
