Agtultuloy ti imbestigasyon dagiti otoridad iti kaso ti nasarakan a bangkay idiay Botiwtiw,Ambiong,La Trinidad, Benguet malem idi February 16,2026.
Ti biktima ket agtawen iti 55 a laborer a residente metlaeng iti nasao a lugar.
Iti inisyal nga imbestigasyon ti pulisya,ti nasao a bagi ket nasarakan ti agtagikua iti pagmulaan ti sayote bayat nga agburburas daytoy.
Apaman nga inasetganna ti bagi a nakadasay iti daga,nadlawna a saanen nga agang-anges.
Mainaig iti dayta,naduktalan a sakbay ti insidente ket karaman ti biktima iti drinking session a nangrugi iti alas dos iti malem (2:00PM) idi February 15 ken nagleppas iti ala una iti parbangon (1:00 AM) iti February 16.
Imbinglay dagiti nakadwa ti biktima a naginom ti arak nga imbatida daytoy iti pagtaenganna kalpasan ti nasao a drinking session.
Rumrumwar iti assessment dagiti otoridad nga orderly wenno nasayaat ti saad ti nakapasamakan ti drinking session ken awan metlaeng ti nakitada a senyales iti komosyon iti disso a nakaalaanda iti bangkay ti biktima.
Nupay kasta, manarimaan paylaeng ti imbestigasyon nu adda ti napasamak a foul play wenno maysa laeng daytoy nga aksidente.//Bombo Noveh Organo
