Agtultuloy ti kanayunan nga imbestigasyon iti napasamak a pammaltog sadiay Sagap, Bangued, Abra itay agsapa, May 12, 2025 bayat ti eleksyon.
Immunan metten a nirespondean daytoy ti personnel iti Bangued Municipal Police Station kaduada ti RMFB Quick Reaction Team.
Nupay kasta, kalpasan ti sumagmamano a minutos ket nadengngeg manen ti kanalbuong ti paltog manipud iti iged ti karayan sadiay.
Ditoy met a naimatangan ti napaspas a panagpataray ti maysa grey pick-up truck ken Montero vehicle paturong iti Bangued Proper.
Kalpasan dayta, nakaawat dagitoy iti tawag manipud iti Seares Memorial Hospital no sadino ditoy ti nangiturungan ti trycycle driver kadagiti biktima iti nasao a pammaltog.
Addan metten iti nasayaat a kasasaad dagiti nasao a biktima.
Iti agdama, agtultuloy latta ti eleksyon iti nasao a lugar, bayat a maidagdagadag kadagiti umili sadiay nga agbutos dagitoy ita nga eleksyon.
