BAGUIO CITY- Manarimaan pailaeng ti imbentaryo dagiti otoridad seknan iti danyos ti napasamak nga structural fire sadiay Farmers Center, Puguis, La Trinidad, Benguet itay nabiit.
Immunan a naipadamag a nauram ti siyam nga stalls nga agserserbi kas bodega ken pagtagilakuan idi rabii ti Abril 15.
Manipud iti siyam nga stalls, lima ditoy ti totally damaged bayat nga uppat met ti partially damaged.
Iti inisial nga imbestigasion ti BFP-La Trinidad, short circuit wenno electrical wiring ti rason iti panakauram dagiti nasao a pasdek.
Awan met ti nadangran iti nasao nga insidente.
Maipalagip nga idi Marso 25 ket nauram metlaeng ti 12 nga stalls sadiay Farmers Center, Puguis, La Trinidad, Benguet iti kapada metlaeng a rason.
Iti agdama ket dumanon iti P6-M ti danyos ti dua nga stall nga inyuman dagiti agtagikua kadagitoy.
