Inwaragagawag ti International Maritime Organization (IMO) a kontra iti panggep ti Amerika a panagsinger iti 20% manipud kadagiti amin a barko a lumabas iti Strait of Hormuz.
Nupay kasta, kinunana nga urayenda ti kanayunan a detalye maipapan iti daytoy.
Maipalagip a kinuna ni U.S President Donald Trump nga isublida ti naval blockade ken silulukat ti Strait of Hormuz, adda man ti Iran wenno awan.
Innayonna nga agsingerda iti 20% kadagiti amin a barko a lubas para iti gastos iti pannakaipaay ti kinatalged ken seguridad bayat ti panagdalyasat dagitoy.
Nupay kasta, nainget ti panagkontra ti International Maritime Organization (IMO) iti daytoy.
Impaganetget ti ahensiya nga awan ti legal a batayan tapno maipatungpal ti mandatory a panagbayad sakbay a lumabas iti strait.
