BAGUIO CITY – “Improved choice”, daytoy ti panangiladawan ti sumagmamano a grupo dagiti mannursuro iti rehiyon Cordillera kenni Senador Sonny Angara kalpasan a dinutokan ni President Ferdinand “Bongbong” Marcos Jr. kas baro a dadaulo ti Department of Education.
Iti panakiuman ti Bombo Radyo kenni Ruel Caricativo, Regional Coordinator ti Alliance of Concerned Teachers – Cordillera, nupay naawatda ti nagbalin a desisiyon seknan iti baro a mangidaulo iti sektor, inaklonna a nasaysayaat nu ti nadutokan ket mismo a nagtaud iti Department of Education tapno ad-adda a maawatanna ti sitwasyon dagitoy.
Sigun kenni Caricativo, maysa kadagiti karit a sangwen ti baro a DepEd secretary ti nabatbati a panawen iti panagtugawna iti takem ken ti kinaado ti parikut a masapol a marisut iti sektor.
“the former secretary has set the bar so low ika nga so, definitely this newly appointed secretary of the department is a much improved choice.”
Ruel Caricativo, Regional Coordinator ng Alliance of Concerned Teachers – Cordillera
Karaman ditoy ti panakaipangato ti pondo a mailatang para iti nasao a sektor nu sadino makidkiddaw ti 6%, katukad daytoy ti Gross Domestic Product (GDP) ti pagilian.
Malaksid iti dayta, makidkiddaw ti umno a panakabingay ti pondo tapno maipaay dagiti resource gaps ken mapasayaat ti working condition dagiti mannursuro kasta metten dagiti estudyante.
Innayon ni Caricativo a maysa kadagiti masapol a maipangruna ket ti pakaseknan iti curriculum ken pedagogy a makaap-apektar iti performance dagiti estudyante kadagiti international assesments.
Sigun kenkuana, ti nababa a rangko ti Pilipinas kadagiti international assesments ket repleksyon iti mapaspasaran a krisis iti sibubukel a sistema ti Department of Agriculture.
CLICK THE LINK TO VIEW THE FULL VIDEO:
