Impakaamo ti Department of Health (DOH)-Cordillera a 7,132 a kaso ti influenza-health related a sakit ti nailista iti Cordillera Administrative Region manipud Enero a uno agingga Hunyo a uno iti agdama a tawen.
Daytoy ket kas maibasar iti datos ti Regional Epidemiology and Surveillance Unit (RESU)-Department of Health (DOH)-Cordillera.
Sigun kenni Victoria Malicdan, Regional Epidemiology and Surveillance Unit (RESU) chief ti Baguio City ken Benguet, dagiti influenza-related a sakit ket kangrunaan a nailista iti siudad ti Baguio a dumanon iti 3,039 a kaso, sarunoen ti probinsiya ti Benguet a nakailista iti 2,801 a kaso.
Kabayatanna, nakailista ti Kalinga ti 794 a kaso, Apayao a 306 a kaso, Abra a 143 a kaso, Ifugao a 130 a kaso ken Mountain Province a 99 a kaso.
