Naikkat iti pwesto dagiti innem a kameng ti Pulisya manipud iti Criminal Investigation and Detection Group, kalpasan a maatap a nagbibingayanda ti P13. 5 Million a cash evidence manipud iti illegal Philippine Offshore Gaming Operators (Pogo) idiay Bagac, Bataan.
Ti nasao a gatad ket paset ti ₱141 million a nakumpiskar iti operasion ti PAOCC ken PNP-CIDG idi Oktubre 2024.
Maibasar iti imbestigasion, naduktalan a peke ti kuarta nga in-turn over ni Patrolman Christian Andaya.
Innaklon metlaeng ni Andaya a nagbibingayan dagiti 6 a pulis ti P13. 5 Million.
Gapu iti daytoy, naipasidong iti restrictive custody dagiti inem a pulis bayat nga agtultuloy ti imbestigasion.
Posible met nga isubli dagitoy ti naalada a kuarta.
Nupay kasta, kinuna ni Napolcom Vice Chairperson Raffy Calinisan a saan nga umdas a maisubli laeng ti kuarta kalpasan a natiliwanda.
Posible a sumango dagiti nairaman iti panaglabsing iti Article 228 – Opening of Closed Documents, Falsification of Public Documents ken Illegal Possession wenno Use of False Treasury of Bank Notes.
