Manamnama a maitungpal ti Internet voting, maysa a wagas ti panagbutos dagiti Pilipino iti ballasiw bayat ti 2025 midterm elections.
Sigun kenni Atty. John Rex Laudiangco, Spokesperson ti Commision on election, maipatungpal laeng ti in-person voting wenno mailpin voting kadagiti pagilian a saan a napalubusan ti panakaipatungpal ti internet voting kas iti China, Russia ken Israel.
Mainaig iti dayta, maikonsiderar dagiti pagannurotan iti tunggal pagilian ken ti kaadayo ti maysa a botante manipud iti embahada sakbay a maipatungpal ti nasao nga internet voting.
Sigun pay kenni Laudingco, masapul nga agpalista ti maysa a botante iti ballasiw-taaw tapno makabutos iti online ken masapul nga addaan ti maysa a botante ti PIN tapno mapaneknekan ti personal nga impormasion daytoy.
Impasigurado met ti nasao nga opisyal a garantisado ti kinatalged ken seguridad ti sistema ti nasao nga Internet voting.
