Personal a nakipagrikna ni Israeli President Isaac Herzog kenni Bernie Lavarias, asawa ti pimmusay a Filipina Overseas Filipino Worker a ni Mary Ann De Vera.
Inyebkas ni President Lavarias ti pannakipagriknana ken simpatyana kadagiti pamilya ti pimmusay nga OFW gapu iti nabara a tensyon iti nagbaetan ti pagilian nga Iran, Estados Unidos, ken Israel.
“On behalf of the State of Israel, I send my deepest condolences to Mary Ann’s family and the entire nation of the Philippines,” kinuna ti presidente.
Imbinglay pay ni President Herzog nga addaan metlaeng ti bukodna a pamilya ti Filipina caregiver ken impettengna nga kaadduan kadagiti Israelis ket ibilbilangda dagiti Filipino caregivers kas passet iti pamilyada.
Inyebkasna metlaeng ti panagyamanna iti Filipino community gapu iti dedikasyon ken kontribusyonda iti Israeli society nangnangruna iti oras ti krisis.
Impanamnama met laeng ni President Herzog kenni Lavarias a mangipaay dagitoy iti tulong pinansyal kasta metten iti monthly stipend manipud iti national insurance system ti Israel.
Maipalagip a pimmusay ni Mary Ann kabayatan iti maysa a joint attack ti US-Israel no sadino natamaan daytoy iti shrapnel iti timmama a missile iti Israel.
Kadwaan ni Lavarias ti bangkay ti asawana pasubli iti pagilian a Pilipinas ita a rabii. Manamnama a makaawid dagitoy inton bigat idiay Manila no sadino ururayen dagiti kapamilyada ti panagsublina. // Bombo Karen Sapirao
