Ammo yo kadi mga kabombo a bittersweet para iti maysa nga Italian Olympic high jumper a ni Gianmarco Tamberi ti opening ceremony ti Paris Olympics 2024?
Daytoy ket kalpasan a napukawna ti wedding ring daytoy.
Naangay ti opening ceremony babaen ti parada dagiti atleta manipud iti nagduduma a pagilian, no sadino naglugan pay dagitoy iti bangka iti Seine River idi Hulyo baente sais, iti agdama a tawen.
Nupay kasta, nagviral daytoy kalpasan nga impablaakna iti social media ti atiddog a mensahena tapno ipakadana iti misis daytoy a napukawna ti wedding ringna.
Maipalagip a dua a tawenen dagitoy a kasar iti asawana a ni Chiara Bontempi Tamperi.
Iti post daytoy, nagkiddaw pay daytoy iti pammakawan iti asawana gapu ta saanna a napupuutan ti pannakatnag ti singsing daytoy nupay nakita a natinnag iti nasao a karayan.
Gapu iti daytoy, adu met a netizen ti naragsakan iti postna no sadino kinuna pay dagiti dadduma a maysa daytoy a motibasyon para kadagiti agasawa.
Iti baet dayta, imbinglay pay ti atleta ti panagayatna iti asawana bayat a kinunana a senyales daytoy a makaiyawid iti gold medal iti nasao a pasalip.
Kabayatanna, nagkomento met ti asawa daytoy no sadino kinuna a maawatanna ti napasamak la ketdi pagbalinenna a romantic daytoy.
