Nabigbig ni Joem Dunuan manipud Hungduan, Ifugao kas Mr. Grand Philippines-Cordillera kalpasan ti naangay a coronation night idi kalman sadiay La Trinidad, Benguet.
Gapu iti dayta, daytoy ti mangibagi ti rehiyon Cordillera iti national level ti Mr. Grand Philippines.
Ni Jereed Lou Waclin Tido manipud Buguias, Benguet ti nabigbig kas Mister Man Hot Star bayat a ni Granville Michael Louie Raymundo manipud La Trinidad, Benguet ti napadayawan kas Mister Tourism Globe.
Ti First runner-up ket ni Jaren Atopen manipud Buguias, Benguet ken ti 2nd Runner-up ket ni Delefher Comising manipud Itogon, Benguet.
Maipalagip a ti Mr. Grand Philippines-Cordillera ket nakipasetan ti sangapulo ket siyam a candidates manipud kadagiti nagduduma a paset ti rehiyon Cordillera.
Nu pay kasta, para ita a tawen, awan ti nagbalin a representative ti probinsya ti Abra iti nasao a kompetisyon ngem inpanamnamada a dagitoy ket makipaset inton sumaruno a tawen.
Ti Mr. Grand Philippines-Cordillera ket paset ti selebrasyon ti 2024 La Trinidad Tourism Week.
