--Ads--
Napaneknekan a maysa a Chinese citizen ti kabsat ni suspended Mayor Alice Guo a ni Wesley Leal Guo, maibasar kadagiti dokumento nga indatag ni Senador Win Gatchalian manipud iti National Bureau of Investigation.
Sigun kenni Senator Gatchalian, maymaysa a tao ni Guo Xiang Dian kenni Wesley Leal Guo, maibasar iti fingerprint matching ti National Bureau of Investigation.
Maibasar iti nasao a dokumento, simmangpet ni Guo Xiang Dian wenno ni Wesley Leal Guo iti pagilian a Pilipinas idi 1999 ken pagaammo kas dependent nga anak ni of Lin Wen Yi.
Mangipakita manen daytoy iti late registration process nga inabuso ti pamilia dagiti Guo tapno agparang dagitoy a Philippine Nationals.
