Adu paylaeng a tattao ti saan a well-informed maipapan iti rabies.
Ti rabies ket posible a maala manipod iti kagat dagiti dengwen nga aso wenno pusa nga adaan ti rabies.
Posible a makaapektar daytoy iti nervous system ken utek a mangitunda iti ipupusay apaman a saan daytoy nga ikaskaso.
Itay nabiit ,pimmusay ti trese anyos a balasitang sadiay Tondo Manila kalpasan nga nakagat daytoy iti walang nga uken.
Ti rigatna ,inlimed daytoy ti ubing ken kinunana iti nagannakna a nasugat laeng iti alambre.
Kalpasan ti mano a lawas wenno nasurok makabulan nakapasar daytoyen iti nagduduma a sintomas kas ti panaggurigor , panagsakit ti likod,ken marigatan nga uminom ti danum.
Iti daytoy nga sitwasyon ket adu ti maadal, nu sadino nasken nga saan nga iyaw-awan ti kakastoy a bannag gaputa biag ti posible a mapukaw apaman a mabaybay-an.
Rason nga uray pay dayta ket bassit a kagat ,wenno karamot wenno “scratch” ti pusa ken aso ket nasken nga agturong a daras iti animal bite center tapnu agpabakuna ti anti-rabies vaccine.
Nasken met nga ipabakuna dagiti taraken nga aso ken pusa iti pagtaengan tapnu apaman nga ada makagat dagitoy ket nababa ti tsansa a maadaan ti rabies dagiti biktima.
Kas maysa a responsible pet owner nasken nga kitaen ti salun-at ken pagsayaatan dagiti taraken tapnu maliklikan dagiti anyaman a parikot iti masungad nga al-aldaw.
Kagiddan iti dayta, sigun kadagiti eksperto uray karamot laeng iti pusa wenno aso ket posible latta a makapatay gaputa dildilpatan dagitoy dagiti “paws” wenno saka ken kukoda rason a posible a maiyakar sadiay ti rabies.
Apaman a nakagat wenno nakaramot nasken a kompletoen ti bakuna ken ipangag dagiti instructions ti doktor maipapan kadagiti nasken a kanen tapnu maliklikan iti allergic reaction iti bakuna a posible a makaapektar iti panaganges ken salun-at.
Gapu iti dayta, mamingsan manen a maipalpalagip kadagiti umili ti naan-anay a panagbakuna apaman a nakagat wenno nakaramot ti aso wenno pusa tapnu maliklikan ti panakapukaw ti biag ti maysa nga indibidual.// Raz Pagoli
