Agarup kagudua kadagiti kualipikado nga estudiante ti saan a maka-enroll babaen ti Philippine Science High School (PSHS) system gapu iti limitado a slot, segun iti report ti Second Congressional Commission on Education (EDCOM II).
Maibasar iti report, naiparang a manipud iti 49,481 nga aplikante iti 16 a kampus ti Philippine Science High School (PSHS) manipud 2022 agingga 2025, 11,351 nga estudiante (23%) ti kualipikado para iti enrollment.
Nupay kasta, agarup kagudua laeng a kualipikado wenno 5,544 nga estudiante — ti sigurado iti slot iti Philippine Science High School (PSHS) system.
Tunggal Philippine Science High School (PSHS) regional campus ket limitado iti 90 aginggana iti 120 a slot, malaksid ti Main Campus iti National Capital Region (NCR), a mangipapaay iti 240 nga slots.
Tapno marisut ti pakaseknan, inrekomendar ti Second Congressional Commission on Education (EDCOM II) a maadal manen ken mapalawa pay ti polisia ti Department of Education seknan iti special science high schools ken special curricular programs.
Pakairamanan ti panangngato ti alokasion ken panangipaay ti kanayunan a “resources” a kas ti teacher training, laboratories, ken learning materials.
Ti Philippine Science High School (PSHS) iti sidong ti Department of Science and Technology (DOST) ket mangipapaay ti libre nga scholarships para kadagiti secondary education a nakapokus iti siensia ken teknolohia.
