Agtultuloy latta ti panagmonitor dagiti kameng ti Philippine Coast Guard (PCG) iti “monster ship” ti China Coast Guard (CCG) iti uneg ti exclusive economic zone (EEZ) ti pagilian.
Iti maysa a statement, kinuna ti Philippine Coast Guard (PCG) a ti barko ti China ket saan laeng a limmabas nu diket ipapilitna a mangisayangkat iti operasion ken ikalkalinetaganna nga adda ti hurisdiksion daytoy iti baybay a kukua ti People’s Republic of China.
Immuna a naimatangan ti barko ti China nga addaan ti registration number 5901 iti 54 nautical miles ti kaadayona manipod iti Capones Island idiay Zambales idi Sabado.
Iti report ti Philippine Coast Guard (PCG), naduktalanda a naggaraw daytoy iti Lubang Island idiay Occidental Mindoro idi kalman ti agsapa.
Sigun kenni National Security Council Assistant Director General Jonathan Malaya, agtultuloy latta ti puersa ti Pilipinas a mangisayangkat ti “radio challenge” iti nasao a barko.
Maipalagip a kinuna ti Philippine Coast Guard (PCG) a ti presensia ti barko ti China iti nasao a lugar ket mangbutbuteng kadagiti Pilipino a manggalap.
