Imbutaktak ti maysa a pamilia dagiti mapukpukaw a sabungeros, nga idagdagadag ti nagpaam-ammo a kameng ti Philippine National Police’s Criminal Investigation and Detection Group (PNP-CIDG) a pilaanda iti kaso ti whistleblower a ni Julie “Dondon” Patidongan.
Sigun pay iti kabagyan dagiti mapukpukaw a sabungero, maysa a kameng ti PNP-CIDG ti timmawag kenkuana.
Maatap a kiniddawna a pabasulenda ni Patidongan kas mastermind iti kaso dagiti mapukpukaw a sabungeros wenno cockfighting enthusiasts.
Dimmanon ti nasao nga insidente iti Department of Justice, isu’t gapuna a naikkat iti pwesto ti director ti PNP-CIDG.
Sigun kenni Justice Secretary Crispin Remulla, naawatda ti impormasion nga adda dagiti agtigtignay a mang-impluwensia iti nasao a kaso.
Gapu iti dayta, dagus a naikkat iti trabaho ti director ti nasao nga ahensia.
