BAGUIO CITY – Madanagan ni Mayor Benjamin Magalong iti resulta ti automated tele-health equipment a naikabil iti lobby ti city hall.
Maibasar iti nasao a resulta, manipud iti siyam a pulo ket innem (96) nga empleyado a nag-avail iti equipment service, lima pulo ket pito (57) ti nangato ti body fatna bayat nga uppat pulo (40) ti nangato ti visceral fatna.
Malaksid iti dayta, uppat a pulo ket lima (45) ti addaan ti nangato a blood pressure.
Nangato met laeng ti nailista para iti pre-diabetic nu sadino dumanon iti dua pulo ket dua (22) bayat a tallo pulo ket uppat (34) ti probable-diabetic.
Sigun kenni Mayor Magalong, maysa a major concern daytoy.
Malaksid iti dayta, maaddaan met ti advise, seminars, ken series of engagements kadagiti empleyado maipapan iti panang-address kadagiti panagngato ti glucose iti bagi.
Guyguyugoyen met ni Mayor Magalong dagiti empleyado a regular nga agpa-medical check-up dagitoy gapu ta ti salun-at ti maysa kadagiti kapatgan nga adda iti maysa a tao.//Bombo Jez Lapizar
