Dumanonen iti sangapulo ket maysa ti nailista a kaso ti Firework-Related Injury iti rehiyon Cordillera kas maibasar iti kaudian a datos manipud iti Department of Health-Cordillera.
Daytoy a tracking ket nangrugi idi Disyembre baente uno agingga idi kalman.
Kaadoan kadagiti kaso ti Firework-Related Injury ket nailista iti siudad ti Baguio nga addaan iti uppat nga insidente, sarunoen ti Kalinga ken Mountain Province nga addaan iti sag-dua a kaso, bayat a sag-gaysa a kaso sadiay Abra, Apayao ken Ifugao.
Lallaki met ti kangrunaan a biktima iti daytoy.
Uppat kadagitoy ti nadangran iti matana, lima dagiti nagsagrap iti burn injuries nga awanan iti amputation bayat a maysa met ti burn injury nga addaan iti amputation.
Gapu iti dayta, agpalpalagip ti Department of Health iti publiko a saanda nga agaramat kadagiti aniaman a kita ti paputok tapno maliklikan ti aniaman nga insidente.
Kasta met ti saan a panagpidot kadagiti saan a bemtak a paputok ken ti dagus a panagturong iti ospital nu naputokan.
