BAGUIO CITY – Agtultuloy a ngumatngato ti kaso ti human immunodeficiency virus (HIV) iti rehiyon Cordillera nangruna iti siudad ti Baguio.
“…Sa usapin ng Human immunodeficiency virus (HIV), masasabi nating patuloy na bahagyang umaakyat ang kaso natin sa Cordillera particularly in Baguio City.”
Darwin F. Babon, Development Management Office III of Department of Health – CAR
Iti interview ti Bombo Radyo kenni Darwin F. Babon, Development Management Office III iti Department of Health – Cordillera, dumanon iti 1,132 ti nakumpirmar a kaso manipod idi Abril iti agdama a tawen.
Iti nasao a bilang, innem a gasut lima pulo ket siam (659) nga indibidual wenno agarup innem a pulo a porsiento ket manipod iti siudad ti Baguio.
Patien ni Babon a maysa ti social media kadagiti dakkel iti impluensia nangruna ti “dating applications” nu apay a ngumatngato ti bilang ti nasao a sakit.
Gapu iti dayta, insuhesion ni Babon a kasapulan ti naan-anay ken nainget nga Information Dessimination Campaign maipapan iti nasao a sakit, iti nasapsapa a lebel kas iti elementary tapno ad-adda a bumaba ti bilang ti kaso.
Maibasar gamin iti panagadal, paubing a paubing ti mailislista ken maad-adaan ti nasao a sakit nga agtawen laeng ti siam agingga sangapulo ket maysa.
“Pabata ng pabata ang nagkakaroon ng HIV infection and that alone is medyo nakakaalarma in the region..”
Darwin F. Babon, Development Management Office III of the Department of Health – CAR
Malaksid iti information dessimination campaign, rumbeng nga agbalin a “mutually faithful” ti agkarelasion tapno saan a maiyakar ti nasao a sakit.
Madanagan pay ti nasao nga ahensia gapu ta makailislistada ti masikog a babai nga addaan ti nasao a virus nu sadinno mabalin a maapektaran ti maladaga iti tiyan daytoy.
Kabayatanna, manipod iti pakabuklan a bilang, dumanon iti sangagasut pito pulo (170) ket manipod iti probinsia ti Benguet; sangagasut uppat a pulo ket lima (145) manipod Abra; agpada nga uppat a pulo ket lima (45) ti Ifugao ken Kalinga ken agpada a tallo pulo ket uppat ti Apayao ken Mt. Province.
