Ngimmato ti kaso ti measles-rubella ti Rehion Cordillera ita a tawen.
Sigun kenni engr. Benelyne Balag-ey Nurse 3, DOH -CHD-CAR, ngimmato daytoy iti sangagasut uppat a pulo ket uppat ti kaso ti measles -rubella iti Rehion.
Maibasar iti datos, lallaki ti kadawyan a maap-apektaran iti nasao a sakit no sadino lima pulo ket siam a porsyento dagiti naapektaran..
Kadagiti lallaki kadawyan a maap-apektaran ket dagiti ubbing nga agtawen ti pito a bulan agingga iti lima pulo ket dua a tawen.
Malaksid iti dayta, ti probinsya ti Apayao ti nakailista ti kaaduan a kaso ti measles- rubella no sadino ket sangapulo ti nairekorda ita a tawen.
Sarunuen dayta ti probinsya ti Mountain Province no sadino ket adda iti siyam a kaso bayat a ti probinsya ti Benguet ken suidad ti Baguio ket adda ti walo a kaso, 2 iti probinsya ti Abra ken saggaysa a kaso iti probinsiya ti Ifugao ken Kalinga.
Gapu iti dayta, agpalpalagip dagiti doctors ken nurses a bantayan dagitoy ti salun-atda nangruna dagiti ubbing ken agturung a dagus iti health centers nu adda ti narikna a sakit.//Bombo Noveh Organo
