Inwaragawag ti World Health Organization, a ti kaunaan a human case iti H5N2 bird flu ket pimmusay gapu kadagiti nagduduma a rason.
Maipalagip a kinumpirmar ti World Health Organization iti laboratory-da ti kaunaan a kaso ti tao nga naimpeksyon iti H5N2 avian influenza virus sadiay Mexico.
Nupay kasta, sigun iti Health ministry idiay Mexico pimmusay ti 59-anyos a lalaki gapu ta addaan daytoy iti history of chronic kidney disease, type 2 diabetes ken arterial hypertension.
Inlawlawag met daytoy ni World Health Organization spokesman Christian Lindmeier kadagiti journalist idiay Geneva, a ti ipupusay ti nasao a lalaki ket saan a gapu iti nasao a virus no diket pimmusay daytoy gapu iti multi-factorial death.
Iti baet dayta, naduktalan a nagpositibo ti bangkay daytoy iti nasao a virus, bayat a dagiti sangapulo ket pito nga indibidual a nakapulpulapolna ket nagnegatibo da amin iti influenza kas metlaeng laeng dagiti kabalayna daytoy.
Gapu iti dayta, kinuna ni Lindmeier a kasapulan ti naan-anay a panang-imbestigar iti daytoy tapno maduktalan no siasinom ti nangiyakar iti nasao a virus bayat nga adda daytoy iti pagagasan.
Iti agdama, agtultuloy latta ti imbestigasyon mainaig iti daytoy.
