--Ads--
BAGUIO CITY – Naballigi ti kaunaan a Lantern Parade ti munisipyo ti Kabayan,Benguet kas paset ti panagrambak dagity iti paskua.
Iti panakiyuman ti Bombo Radyo kenni Kabayan Mayor Faustino Aquisan, “Light of Love” ti tema ti Lantern Parade a pinasetan ti nasurok 100 nga umili.
Naitampok met ditoy ti 67 a lanterns.
Nagtaud dagiti naaramat a lantern manipod iti maysa nga unibersidad ditoy siudad ti Baguio.
Malaksid iti Lantern Parade, maisayangkat pay ti maysa a benifit dance sadiay Kabayan a siguden nga ar-aramiden dagiti umili ti munisipyo ken ti Municipal Christmas Party dagitoy inton weekend.
