BAGUIO CITY – Nailukat ti kaunaan a libre a transportasyon para kadagiti Authorized Persons Outside Residence (APOR) ditoy rehion Cordillera babaen iti Land Transportation Franchising and Regulatory Board (LTFRB).
Sakupen ti ruta ti Baguio City paturong ken pasubli sadiay Dalupirip, Itogon, Benguet.
Maitunos daytoy iti programa a Service Contracting Program ti LTFRB, no sadino, kwalipikado nga agaplikar para iti free ride for APORs dagiti parapasahero a bus, moderno a jeep ken tradisyonal a jeep ken sakupen ti biaheda ti agdama a ruta dagitoy.
Sagudayen ti programa a maipaayan iti libra a transportasyon dagiti APORs ken matulongan dagiti drivers ken operators babaen iti panangbayad ti LTFRB kadagitoy iti P52.50 tunggal kilometro a mataray ti jeep ken van ken P82.50 tunggal kilometro a mataray ti bus.
Linawas a maipaay ti bayad dagitoy ken 30% ti maala ti driver bayat a 70% ti operator.
