BAGUIO CITY – Impaganetget ni Atty. Reyman Solbita, Election Officer ti Baguio City nga awan iti napasamak a panagkusit iti resulta ti botos ditoy syudad.
Kasaruno daytoy iti alegasyon ti grupo dagiti suporters ni Vice President Leni Robredo kagiddan iti panangipatungpalda iti tignay protesta iti sangwanan ti opisina ti COMELEC Baguio.
Iti interview ti Bombo Radyo Baguio, kinuna ni Solbita nga awan iti mapasamak a panagkusit agsipod ta Vote Counting Machine iti nagbilang iti botos
Kinunana nga awan iti mano mano a panagbilang a kas iti ibagbaga dagiti mangkukwestunar iti resulta ti eleksyon
Impaganetgetna nga isuda iti nangiwanawan iti precint level ket mapaneknekanda nga awan iti panagkusit a napasamak
Innayunna a kanayon ken saan a maliklikan nga adda dagiti mangipatungpal iti tignay protesta tunggal malpas ti eleksyon nangruna kadagiti saan a makaaklon iti pannakaabak dagitoy
Kabayatanna, kinuna a naipatulodda metten iti National Board of Canvassers (NBC) dagiti initial ken unofficial resulta kadagiti national candidate ditoy syudad.
