Parikut dagiti umili idiay Tapapan, Mountain Province ti kinakurang ti danum dagitoy, nangruna ita a panawen ti tikag gapu iti in-inot a pannakadadael dagiti watershed iti nasao a lugar.
Sigun kadagiti maseknan nga otoridad iti nasao a lugar, kangrunaan a rason ti panakadadael dagiti watershed a nagbalin kas agricultural field iti laksed iti nainget a panangipatungpal ti Municipal Environment and Natural Resources Office (MENRO) iti addang ken paggannurotan a mangaywan kadagiti watershed.
Sigun, kadagiti Barangay Officials ken mannalon iti Barangay Tapapan, dakkel a karit kadakuada ti kinakurang ti danum iti lugarda isu’t gapuna a mapilitan dagitoy nga agpadeliver.
Gapu iti dayta, kidkidawenda ti panakaaramid iti deep well wenno water pumping kas solusion iti kinakurang iti danum a mapaspasaranda iti agdama.
Nupay kasta, dakkel a tulong kadagiti umili dagiti alternatibo nga isaysayangkat dagitoy kas iti panagmula iti short term crops, pakairamanan ti lettuce, peachy, panagusar iti green house ken dadduma pay nga alternatibo a solusion iti kinakurang ti danum ti dagitoy.
Malaksid iti dayta mangisaysayangkat dagitoy iti tree planting kadagiti igid iti watershed kas paset ti pananglaglagipda iti independence day.//via Yvonne Manganis, Local News Correspondents, Bauko Mt. Province
