--Ads--
BAGUIO CITY- Impaganetget ni Baguio City Mayor Benjamin Magalong a nakasagana ti syudad iti pangta dagiti baro a subvariants ti COVID19 Omicron variant.
Sigun ken Magalong, anyaman a kita ti subvariants ti makaserrek iti syudad ket kumpyansa daytoy a mild symptoms laeng dagiti mailista nangruna nu naipaayanen ti booster shots iti bakuna kontra COVID19 dagiti umili ti syudad.
Gapu iti dayta, ginuyuguyna manen dagiti umili iti syudad nga agpabakuna iti booster shot tapnu maiyadayo iti pangta kadagiti baro a sakit.
Kagiddan iti dayta, kinunana a manamnama a ngumato ti kaso ti COVID19 iti syudad.
Innayunna a naobserbaranen nga immado ti bilang dagiti makapkaptan wenno agpospositibo ti COVID19 iti Baguio City.
