Impetteng ni Vice President Sara Duterte iti “Araw ng Kagitingan” (Day of Valor) nga aniaman a ganggannaet a manggandat a makibiang iti justice system ti Pilipinas ket maibilang a direkta a pangta iti wayawaya ken kinasoberano ti pagilian.
Impettengna nga adda ti kabaelan dagiti Pilipino nga idauluan ti bukodda a bagi ken ipatungpal dagiti bukod a linteg ti pagilian.
Malaksid iti dayta, ginuyugoy ni VP Sara Duterte dagiti Pilipino sangwenda dagiti karit kas iti kanatured nga impakita dagiti bannuar iti Bataan.
Maibasar iti mensahe ni VP Duterte ita nga “Araw ng Kagitingan”, inyunay-unayna a kas kadagiti bannur iti Bataan, saan a sumuko.
Sigun kenkuana, sangwen dagiti karit nga addaan iti kapada a kinatibker, natalged, ken addaan iti pudno a panagwaywayas.
Kabayatanna, pinadayawanna ti kinatured amin a soldado a timmakder para iti pagilian sadiay Bataan.
Innayon daytoy a ti “Araw ng Kagitingan” ket mangipalagip iti panagwaywayas ken ti depensa ti pagilian ket agtultuloy a pagrebbengan ti tunggal kaputotan.
