Impablaak ti sigud a miembro ti Kingdom of Jesus Christ idi September 19, 2024 nga inrigaloan ni Kingdom of Jesus Christ leader Apollo Quiboloy ni sigud a President Rodrigo Duterte ken dadduma pay nga opisial iti babbai iti baet ti alegasion daytoy a nairaman iti human trafficking.
Sigun kenni Arlene Stone, sigud a trabahador iti Kingdom of Jesus Christ Compound, adda pay laeng iti KOJC Compound sadiay Davao City ti biktima a mapapati nga intukon ni Quiboloy kenni Duterte.
Kinniddaw pay ni Stone ken dagiti dadduma pay a kameng ti Kingdom of Jesus Christ manipud iti sabali a lugar a rumbeng nga ibestigaran ti Senado intun sumaruno a hearing ti kinaadda ti biktima iti uneg ti compound ni Quiboloy ken ti panangi-tagda kadakuada kas bogus a pastoral ti nasao a grupo.
Sigun pay kenni Stone, dagiti kameng ti KOJC idiay US ket masapul nga agkontribusion kadagiti monthly pledges manipud iti $1,800 agingga iti $2,500.
Nupay kasta, pinaglibakan ni Salvador Medialdea ti sigud nga executive secretary ti pagilian dagiti aligasion ni Stone, nangruna iti panangitukon ni Quiboloy iti babae kenni Duterte.
Malaksid iti dayta, inwaksi iti kampo ni Quiboloy ti kinuna iti whistle-blower a ni Stone.
Kabayatanna, nagkedked ti Philippine National Police a mangipaay iti komento mainaig iti nasao nga alegasion.
