Opisial nga impablaak ti Department of Education a dagiti parapubliko a pagadalan iti intero a pagilian ket aglukat ti klase para iti School Year 2025–2026 inton June 16, 2025.
Daytoy ket nagsubli iti sigud gapu iti napasamak a pandemia, kas nakalanad iti DepEd Order No. 12, Series of 2025.
Ti school year ket agtaray agingga March 31, 2026, saklawenna ti 197 class days, pakairamanan ti End-of-School-Year (EOSY) rites.
Sigun iti Department of Education, mabalin nga agbaliw ti bilang a nakabasar iti saan a mapakadaan a programa wenno direktiba.
Ti enrollment ken Brigada Eskwele ket naituding manipod Hunio a nuebe agingga a trese, maysa a lawas sakbay ti opisial a panangrugi ti klase.
Ti addang ket nakabasar iti pananganamong ni President Ferdinand “Bongbong” Marcos Jr. idi Mayo idi napalabas a tawen nga agsubli iti traditional June-to-March school calendar.
