Inwaragawag ni private prosecutor Atty. Lorna Kapunan a birbirukenda paylaeng ti kontrobersyal nga agnagan iti “Mary Grace Piattos” a karaman iti acknowledgment receipt ti Office of the Vice President (OVP) nga insubmitir ti Commission on Audit (COA).
Sigun iti impeachment trial private prosecutor, nakaawat ni “Mary Grace Piattos ” iti P70,000 para iti payment for medicine.
Malaksid iti dayta, maysa nga agnagan iti “Renan Piattos” ti nakaawat iti P110,000 para iti purchase of information.
Karaman ti nagan a “Mary Grace Piattos” kadagiti resibo a naisubmitir seknan iti pannakaaramat ti confidential funds ti OVP.
Malaksid iti daytoy, impresenta metlaeng ti prosekusyon dagiti dadduma a resibo nga addaan iti mapagduduaan a nagan.
Pakairamanan daytoy ti agnagan iti Gabriela Bisaya a nakaawat iti P70,000; Andy Lim a nakaawat iti P50,000; Alejandro Pikit a nakaawat iti P90,000; Feonna Biong nga P80,000; Sisfrunio Balsac a P70,000; Nova Piattos a nakaawat iti P85,000 ; Mico Harina a nakaawat iti P295,000, Janice Marie Revilla a nakaawat iti 70,000 ken Patty Ting a nakaawat met iti P150,000.