Opisyalen a nangiruar ti Miss World Philippines 2024 iti listaan dagiti sumaruno a batch para iti nasao a pagaent no sadino karaman ditoy ni Krishnah Gravidez manipud iti siudad ti Baguio.
Karaman daytoy kadagiti tallo pulo ket lima a kandidata manipud kadagiti nagduduma a rehion a makipaset iti Miss World Philippines final screening.
Irepresentar met ni Eula Arielle Paltep ti probinsya ti Benguet.
Ti coronation night ti Miss World Philippines 2024 ket maangay inton July 19, iti Mall of Asia Arena.
Malaksid iti korona ti Miss World Philippines, makoronaan metlaeng dagiti mapili para iti Reina Hispanoamericana Filipinas, ken Miss Philippines Tourism.
Kabayatanna, maipalagip nga immunan nga inwaragawag ni Gavidez a saanen a makipaset daytoy iti Miss Charm International 2024 pageant.//Rose
