BAGUIO CITY–Temporaryo a maipasidong iti lockdown ti Municipal Hall ti La Trinidad, Benguet mangrugi intun Pebrero 24 agingga 28 para iti disifection ken sanitation ti nasao nga pasdek.
Iti interview ti Bombo Radyo Baguio kenni Mayor Salda, kinuna nga dumanonen iti critical level ti naobersabaranda nga panagngato ti bilang ti empleyado dagitoy a nakaptan iti COVID-19.
Sigun kenkuana, malaksid iti disinfection ket maisayangkat metlaeng ti agresibo nga contact tracing kasta met a panggepda nga ipasidong iti swab test ti amin nga empleyado ti munisipyo partikular dagiti nakapulapol dagiti nagpositibo iti virus.
Iti agdama ket naibilin kadagiti empleyado ti munisipyo nga agtalinaed iti pagtaenganda nu sadinno aramatenda ti work from home arrangement kabayatan ti disinfection.
Kabayatanna, mailukat latta ti munisipyo ita nga aldaw ngem 30% laeng ti skeleton force malaksid iti La Trinidad Sangguniang Bayan, Municipal Development and Planning Office, Business Permits and Licensing Section ken ti One stop shop a maiparekkep kabayatan nga maur–uray ti resulta ti swab test dagitoy.
Malaksid iti dayta, naibilin met kadagiti residente nga addaan iti essential travel ti panagproseso-da iti Travel Authority ita nga aldaw.
