Addan iti nasayaat a kasasaad ti biktima a lalaki nga agtawen iti 19, a residente iti Purok 9, Dontogan Barangay, Baguio City, kalpasan a nabagsol ti tengnged ken likudna idi Setiembre 7, 2026.
Maibasar iti report ti pulisya, ti suspek ket maysa a menor de edad nga agtawen laeng iti 16.
Iti inisial nga impormasion iti pulisia, nagsasango a naginum iti nasanger ti biktima kaduana ti suspek ken dadduma pay nga indibidual.
Apaman a nakarikna ti bartek ti biktima, nangeddeng a maturog ngem nakangngeg iti komosyon.
Dita a nakitana ti uncle-na ken ti suspek nga agap-apa.
Ginandat ti biktima nga aganawa, nupay kasta binagsol daytoy iti suspek.
Dagos met a naitaray ti biktima iti suspek babaen kadagiti nagresponde a personnel iti Baguio City Police Office Station 10.
Apaman a nangipatungpal dagitoy iti follow-up operation iti pagtaengan iti suspek, boluntario nga insukona ti inaramatna a nangbagsol iti biktima a maysa a kitchen knife nga agarup 10.5 inches ti kaatidugna manipud iti putan agingga iti murdong.
Ti suspek ken guardian ti suspek ket naiturong iti istasion iti pulisia para ti umno a disposition.
Iti kaudian a report manipod iti pulisya, maisagsagana metten ti kaskenan a dokumento para iti inquest proceedings. | via Bombo Noveh Organo
