Agpatpataming itan ti maysa a lalaki kalpasan a maatap a nabagsol daytoy sadiay Km. 6, Betag, La Trinidad, Benguet itay kanikadua.
Ti biktima ket addaan iti legal a tawen bayat a ti suspek a ni alyas “Samir” ket kwarentay nuebe anyos, naasawaan, cellphone vendor ken tubo sadiay Marawi City, Maguing, Lanao Del Sur.
Ti suspek ken ti biktima ket agkakuartoanda iti maysa a boarding house sadiay Km. 6, Betag, La Trinidad, Benguet.
Maibasar iti imbestigasyon ken report ti pulisya, nagawid ti biktima iti boarding houseda ken ditoyda a maatap a nagapada iti suspek gapu ta mapukpukaw dagiti sumagmamano nga alikamen dagitoy.
Gapu iti dayta, nakapungtot ti suspek ken ditoy a maatap a binagsolna ti biktima.
Iti baet dayta, dagus met nga adda ti nagresponde iti nasao nga insidente rason a naitaray ti biktima sadiay Benguet General Hospital babaen iti tulong ti Bureau of Fire Protection Emergency Medical Services (BFP EMS).
Kabayatanna, iti agdama addan iti ikot ti La Trinidad Municipal Station ti nasao a suspek.//Bombo Noveh Organo
