BAGUIO CITY – Balligi a nakemmeg ti Regional Anti-Cybercrime Unit (RACU) Cordillera ken Atok Municipal Police Station babaen iti entrapment operation sadiay Atok, Benguet ti 21 anyos a lalaki nga inreklamo ti sigud a nobyana gapu iti panangiwarasna iti lamolamo a ladawanda iti social media ken maysa a chat group.
Malaksid iti dayta, pinangtaan pay ti suspek ti biktima nga ipatulodna ti kapada a ladawan ken video dagitoy iti agdama a boyfriend na no saan daytoy a makissinnarak ken agbayad iti utang.
Gapu iti dayta, nagpatulong ti complainant kadagiti otoridad no sadino balligi daytoy a nakemmeg iti naisayangkat nga entrapment operation
Ti suspek ket posible a sumango iti kaso a panaglabsing iti Republic Act 9995, RA 9262 ken article 282 ti Revised Penal Code mainaig iti RA 10175 wenno Cybercrime Prevention Act.
