Dagos a nagresponde dagiti otoridad kalpasan a nakaawat iti awag seknan iti maysa a bangkay a nakasarakan idiay Sitio Lidlidaak, Barangay Macray, Bangued, Abra, partikular iti Lidlidaak-Siit farm-to-market road.
Rimmisponde dagiti kameng iti Bangued Municipal Police Station ken nasarakan ti maysa a saan pay a nabigbig a lalaki a nakaidda iti kalsada.
Ti biktima ket nagalutan ti ima ken sakana usar iti tali ken ti ngiwatna ken naabbungotan ti ngiwatna iti packaging tape.
Daytoy ket nakakawes iti navy-blue a t-shirt ken green a shorts. Nabigbig idi agangay ti biktima babaen ti inana.
Iti lugar iti krimen, nasarakan ti 18 a basyo iti paltog iti calibre .45, 3 a bala iti kapada a kalibre, ken 7 a basyo ti shotgun shell.
Iti nainget nga imbestigasion iti Scene of the Crime Operatives (SOCO) nga idadauloan ni PCapt. Ryan Dave Castillo, narekober ti grupo iti pakabuklan a 20 a basyo iti bala iti calibre .45, 3 a bala iti .45, 7 a basyo iti shotgun shell, ken maysa a shotgun shell. | via Bombo Radyo Cauayan
