BAGUIO CITY – Nargaay ti daga iti paset ti Purok 14 ken 17 ti Barangay Irisan, Baguio City gapu iti epekto ti agtultuloy a panagtudtudo ditoy lokalidad nga ituntunda ti habagat.
Nupay kasta, impatalged ni Irisan Punong Barangay Arthur Carlos nga awan ti nadangran nga indibidual iti nasao a panagreggaay.
Kinunana a malaksid kadagiti insidente ti landslides ket nainget a bambantayanda dagiti sinkholes iti paset ti Cypress, San Carlos Heights ken kadagiti Purok 12, 20, 23 ken 27.
Innayonna a dakkel ti posibilidad a mababad ti daga kadagiti nadakamat a lugar a mangitunda iti napegpeggad a didigra.
Gapu iti daytoy, mamingsan manen nga umap-apela ti opisyal kadagiti residente ti Irisan iti panakibinnadangda iti gobyerno tapno mailiklik dagitoy iti aniaman a pangta ti kalamidad. (-with Bombo Nikki Agsiweng)
