BAGUIO CITY – Mailukat ti session road inton June 26, aldaw ti Domingo para kadagiti 17 a performers iti Baguio City
Kagiddan iti Sunday Market Showcase iti Session Road a mangrugi iti alas siete ti agsapa, maimatang ti publiko iti kapada nga aldaw dagiti libre a musical performances a mangrugi iti ala una ti malem
Iti aktibidad a napauluan iti Fete de la Musique PH a maangay partikular iti Session Road cor. Calderon Street ket pasetan dagiti performers a Dilaw, BakaBaka, TrunCoats, Sonny Bambino, Lowtechs, Amateurish, Zsaris, Rice Lucido, Leanne & Naara, Ibarra, Marcus Moon, TUS, Blue Ruins, Mantra x Makina, Brass Pas Pas Pas Pas, Ang Bagong Luto ni Enriquez, ken 10AM Departure.
Nangipaulog metten ni Mayor Benjamin Magalong iti Executive Order para iti pannakaideklara ti June 26, 2022 kas World Music Day Festival iti syudad tapnu makaipaay iti libre a musical performances iti publiko a mangpuntirya iti pannakaital o ti panagkaykaysa ken panag apresiyar iti musika
Idi 2017, naipatungpal ti kaunaan a Fete de la Musique iti syudad a pinasetan dagiti 40 a performers manipod National Capital Region.
Gapu iti napintas a resulta daytoy, nangipasa ti city council iti maysa a resolusyon a mangidekdeklara iti 21st day ti Hunyo iti tunggal tawen kas World Music Day iti syudad.
