Napaneknekan ti Sandiganbayan a “guilty” wenno nagbasol ti lima a sigud nga opisial ti Department of Communications and Transportation (DOTC).
Nasentensian ti lima agingga sangapulo a tawen a pannakaibalud a pakairamanan da sigud a DOTC director Elmer Soneja, director Venancio Santidad, director Ildefonso Patdu Jr., director Rebecca Cacatian, ken ni Department of Communications and Transportation legal officer Geronimo Quintos.
Malaksid kadakuada, nagbasol metlaeng ti private citizen ken businessman a ni Domingo Samuel Jonathan Ng.
Malaksid iti pannakaibalud, naipawil metlaeng kadagitoy a tumaray iti aniaman a posision iti gobierno.
Dagiti sigud nga opisial iti nasao nga ahensia ket miembro ti Bids and Awards Committee a nangaprobar ti panaggatang ti cellphone nga aggatad ti P6 milyon idi tawen dos mil singko.
Sigun iti nasao nga ahensia, ti kontrata ti panggatang ti nasao a banag ket naipaay iti kompania ni Ng a saan a nagdalan iti “public bidding.”
Nadiskobre pay ti Commission on Audit (COA) a saan nga otorisado ti kompania ni Ng iti panangipaay ti cellphones.
