BAGUIO CITY – Agbalballaag ti Plant Pest Surveillance (PPS) Team iti rehiyon Cordillera kadagiti mannalon iti posible a panag atake dagiti nagduduma a kita ti peste inton Hulyo agingga Setyembre ita a tawen
Sigun iti PPS Monitoring Unit ti DA – Cordillera, rumrumwar iti pannagadal nga impatungpal dagitoy a posible nga umatake dagiti peste kabayatan ti rainy season.
Malaksid iti dayta, mapatta patta iti 5% agingga 60% kadagiti talon iti posible a maapektaran iti panag atake dagiti peste iti nasao a panawen
Iti pannagadal a naisayangkat, karaman kadagiti posible nga agatake a peste dagiti Rice Black Bug wenno dagiti nangisit a bangaw, rodents wenno dagiti ba-o, rice stem borer, brown planthopper ken bacterial leaf blight
Gapu iti dayta, mabalballaagan dagiti Cordilleran farmers iti panangbantayda kadagiti talon dagitoy kasta metten iti panangidanonda kadagiti maseknan nga ahensya kadagiti masiputanda a presensya dagiti peste iti masakupan dagitoy.
