--Ads--
Inyebkas ti lolo ni Two-time Olympic gold medalist Carlos Yulo ti tarigagay daytoy nga agkinnitada manen iti apona, kasaruno ti panagsubli dagitoy iti pagilian.
Sigun iti lolona a ni Rodrigo Frisco, ur-urayenna ti oportunidad a makitana manen ti apona kalpasan ti panagballigina iti kaleppas a 2024 Paris Olympics.
Kinuna a daytoy ti kiddawna tapno maaddaan dagitoy iti oras nga agbonding gapu ta nabayagen a saan dagitoy a nagkinkinnita.
Nagbulod pay dagitoy iti lugan tapno laeng makadar-ay iti welcome ceremony ngem saan metlaeng a natuloy.
Iti baet dayta, sipapanakel latta daytoy iti panagballigi ti apona.
Pinalagipanna metlaeng ti apona nga agtalinaed a simple ken napakumbaba aniaman ti nadanun daytoy.
