Impaulog ti Department of Justice ti Immigration Lookout Bulletin Order (ILBO) kontra kadagiti kanayonan a 16 nga indibidual kagiddan ti kontrobersya iti naanomalyaan a flood control projects.
Sigun iti Justice Department, inaprobaran ti OIC Secretary ti kiddaw ti Independent Commission for Infrastructure (ICI) nga Immigration Lookout Bulletin Order (ILBO) rason a naipaulog daytoy.
Dagiti naipaay iti Immigration Lookout Bulletin Order ket pakairamanan da sigud a Caloocan Representative Mary Mitzi “Mitch” Cajayon-Uy, dagiti tallo nga engineers ken dadduma pay nga indibidual.
Maipalagip nga immunan metlaeng a nangipaulog ti Department of Justice iti kapada a banag kontra kada Leyte Representative Martin Romualdez, Senator Francis “Chiz” Escudero, ken dadduma pay a mammanday-linteg kas kaddiw ti Independent Commission for Infrastructure (ICI).
